गोरखा – गोरखाको धन्सिराका पहिरो पिडितलाई बिदेशमा रहेका नेपालीहरुले सहयोग उपलब्ध गराएको छ ।
अजिरकोट गाउँपालिका १ धन्सिरा साउनेपानीका ६ घर परिवारलाई आज खाद्यान्य सहयोग गरिएको हो ।
जनता समाजवादी युवा सघं गोरखाको समन्यवमा पार्टीको जापान शाखाका महासचिव मोती गुरुङको पहलमा जापान र बेलायतमा बस्दै आएकाहरुबाट संकलित आर्थिक सहयोगबाट खाद्यान्य सहयोग गरिएको संघका गोरखा जिल्ला अध्यक्ष मनबहादुर तामाङले जानकारी दिए ।
पहिरो पिडित परिवार अहिलेपनि त्रिपालमा नै बस्दै आएका छन् । जनता समाजवादी युवा सघं अजिरकोट गाउपालिका अध्यक्ष पुर्णबहादुर घलेको अध्यक्षतामा भएको खाद्यान्य बितरण कार्यक्रममा अजिरकोट गाउँपालिका ४ का अध्यक्ष जंगबहादुर गुरुङ र जनता समाजवादी युवा सघं गोरखाका अध्यक्ष तामाङको लगायतको सहभागिता रहेको थियो ।
