गोरखा – एम्बुलेन्स चालकको लापरवाहीका कारण संक्रमितलाई सदरमुकाममा रहेको आइसोलेसन सम्म आउनै सास्ती हुने गरेको ।
जिल्लाको जुन कुनै स्थानमा देखिने संक्रमितलाई सदरमुकाममा रहेको गोरखा क्याम्पसको आइसोलेसनमा ल्याउने गरिको छ । त्यहाँ सम्म पुग्न एम्बुलेन्स चालकले लापरवाही गर्दा संक्रमितले झयाल नै खोलेर बाहिर भोमिट गर्ने गरेका छन् ।
संक्रमितलाई आइसोलेसनसम्म लैजान सदरमुकामको बाक्लो बस्ती छिचोलेर मात्र पुग्नु पर्ने हुन्छ । साधुरो र घुम्ती बाटोमा पनि चालकको लापरवाहीले तिब्र गतिमा एम्बुलेन्स चलाउदा संक्रमित सबैले झयालै खोलेर भोमिट गर्ने र त्यस्तो फोहर घरको आँगन सम्म आई पुग्ने गरेको गोरखा नगरपालिका ५ बतासे, खिरेपानी र हिलेपोखरीका बासिन्दाले गुनासो गरेका छन् ।
पहिलो घटना भएको २ दिन हुन नपाउदै पुन बुधबार चालकको लारपाहीका कारण भीमसेन थापा गाउँपालिकाबाट गोरखा क्याम्पसमा रहेका आइसोलेसनमा ल्याएका संक्रमितले झयाल खोलेर बतासेचोक देखी खिरेपानी सम्म भोमिट गरेको भन्दै स्थानिय आक्रोसित हुन थालेको छ । ‘एम्बुलेन्स तिब्र गतिमा घुईकाउछन् । असजिलो भएर होला भित्र बसेकाहरुले झयाल खोलेर सडक र आँगन सम्म आउने गरी छाद्छन् यो त अति नै भयो । यस्तै भए हामीले बाटो रोक्नुपर्ने अवस्था आउने’ स्थानिय हेमराज ढकालले बताए ।
संक्रमितलाई लिएर ल्याउदा होस वा लैजादा एम्बुलेन्सले प्लास्टिक झोलाको ब्यस्था नगरिदादा पनि स्थानियले यस्तो समस्या भोग्नु परेको हो । स्थानिय भने संक्रमितको भोमिटले आफुहरुलाई कोरोना हुन सक्नेमा ससंकीत बनेका छन् ।
बान्ताबाट कोरोना सर्छ : डा.थापा
संक्रमितको ब्यवहारले आजित भएका स्थानियले हामी संग भोमिटले कोरोना सर्छ कि नाई भन्ने जिज्ञासा राखेका थिए । हामीले सोही जिज्ञासा गोरखा अस्पतालका डा.नबिन थापालाई सोधेका थियौ । थापाले संक्रमितको भोमिटले पनि कोरोना सर्ने बताए ।
गोरखा अस्पतालका निमित्त मेडिकल सुपरीटेण्डेन्ट समेत रहेका डा.थापाले संक्रमित व्यक्तिले गरेको भोमिटका छिटा, खकार अर्को ब्यत्तिको नाक, मुख, आँखा लगायतका ठाउँमा परे संक्रमण सर्न सक्ने जोखिम बढि भएको बताए । उनले हाछ्यु गर्दा र खोक्दा बढी मात्रामा कोरोना जिवाणु बाहिरा आउने भएकाले त्यस्तोबाट सुरक्षित रहन समेत आग्रह गरेका छन् ।
विश्व स्वास्थ्य संगठनले दिसा, पिसाव, भोमिटमा पनि कोरोना भाइरसको जिवाणु भेटिएको पुष्टी गरेकोले त्यस्ता चिजबाट परै रहन डा.थापाले सबैलाई आग्रह समेत गरे ।
यस अघि पनि यस्तै घटना भएको गुनासो आएको भन्दै गोरखा नगरपालिकाले बिसौनी मोड देखी हिलेपोखरी सम्म सडक र वरपर स्यानिटाइज गरेको थियो ।