काठमाण्डौं – काठमाण्डौं उपत्यकामा आज देखी केही खुकुलो भएको छ ।
तिनसाता पछि निषेधाज्ञालाई केही सहज हुने गरी खुकुलो पारिएको हो ।
उपत्यकाका काठमाण्डौं, ललितपुर र भक्तपुरका प्रमुख जिल्ला अधिकारीको हिजोको बैठकले आज (बिहीबार)बाट जोर बिजोर प्रणालीबाट सार्वजनिक यातायात सञ्चालन गर्न दिने लगायतका निर्णय गरेका थिए ।
पसल पनि समय निर्धारण गरेर सञ्चालन गर्ने दिइने भएको छ । कार्यालय र व्यवसाय पनि स्वास्थ्य सुरक्षाका मापदण्ड अनुसार सञ्चालन गर्न दिने सहमति भएको छ । अन्य क्षेत्रमा भने भदौ ३१ गतेसम्म निषेधाज्ञा जारी रहने भएको छ ।
सपिङमल, फेन्सी स्टोर, कपडा पसल, जुत्ता पसल, कस्मेटिक लगायतका पसलहरु साताको सोमबार, बुधबार र शनिबार स्वास्थ्य सम्बन्धी मापदण्ड अपनाउँदै खोल्न पाइने छ ।
भाँडा र भान्साजन्य प्रकृतिका पसलहरु आइतबार, मंगलबार र शुक्रबार मात्र खोल्न पाइने छ भने फर्निचर र अटो मोवाइल सम्बन्धी पसल सोमबार र बुधबार मात्र खोल्न पाइने छ ।
हेर्नुहोस् के खुल्ने, के खुल्दैन ?
