गोरखा – गोरखा सदरमुकाममा कोरोना संक्रमण बढेको भन्दै स्थानियले धारामा लुगा धुन समेत निषेध गरेका छन् ।
सदरमुकामको ३ वटा टोल सुधार समितिले संक्रमणको जोखिमलाई न्युनीकरण गर्न भन्दै १ हप्ताका लागि धारामा लुगा धुन रोक लगाएको हो ।
गोरखा नगरपालिका वडा नम्बर ६ को छहरे टोल बिकास संस्था, चन्दनी टोल बिकास संस्था र गैराबारी टोल बिकास संस्थाको संयुक्त बैठकले छहरे धारामा आज (मंगलबार)देखि भाद्र २९ गतेसम्म लुगा धुन रोक लगाउने निर्णय गरेको छ ।
संस्थाहरुको बैठकले धारामा पानी भर्नका आउदा अनिबार्य रुपमा मास्क लगाउनु पर्ने तथा नेपाल सरकारले तोकेको स्वास्थ्य मापदण्ड भित्र रहेर भौतिक दुरी कायम गरेर मात्र पानी भर्नका लागि अनुरोध गरेको छ ।
संस्थाले आज गरेको निर्णयमा होटलमा बसेर धुम्रपान तथा मध्यपान गर्न रोक लगाएका साथै जिल्ला बाहिरबाट आउनेले अनिबार्य क्वारेन्टिनमा बस्नुपर्ने निर्णय समेत गरेको छ ।