काठमाण्डौं – नोबल कोरोना भाइरस (कोभिड–१९)बाट आज नेपालमा थप ९०२ जनामा कोरोना संक्रमण पुष्टि भएको छ ।
देशका विभिन्न प्रयोगशालामा गरिएको स्वाब परीक्षणमा थप ९०२ जनामा कोरोना संक्रमण पुष्टि भएको हो । योसँगै नेपालमा कोरोना संक्रमितको संख्या ४८ हजार १३८ पुगेको छ ।
स्वास्थ्य तथा जनसंख्या मन्त्रालयले आज गरेको नियमीत पत्रकार सम्मेलनमा मन्त्रालयका प्रबत्ता डा.जागेश्वर गौतमका अनुसार देशभरबाट संकलित १० हजार ६११ नमुना स्वाब परीक्षण गर्दा ९०२ जनामा कोरोना संक्रमण देखिएको हो ।
उपत्यकामा थप ३९६ जनामा कोरोना
उपत्यकामा थप ३९६ जनामा कोरोना पुष्टि भएको छ। जस मघ्ये काठमाण्डौंमा ३०० जना, भक्तपुरका ५८ जना र ललितपुरका ३८ जनामा संक्रमण पुष्टि भएको छ।
संक्रमणबाट थप ६ जनाको मृत्यु
नेपालमा कोरोना संक्रमणबाट पछिल्लो २४ घण्टामा थप ६ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ३०६ पुगेको छ ।