गोरखा – गोरखाको आज थप १० जनामा कोरोना संक्रमण पुष्टी भएको छ ।
जिल्लाको गोरखा नगरपालिका, बारपाक सुलिकोट, भीमसेन थापा र सिरानचोक गाउँपालिका गरी १० जनामा कोरोना संक्रमण पुष्टी भएको हो । यो सहित गोरखा जिल्लामा संक्रमितहरुको संख्या २०४ पुगेको छ ।
संक्रमण देखिएकाहरुमा गोरखा नगरपालिका वडा नम्बर ७ मा ५ बर्षिय बालक सहित ३ जना पुरुष र २ जना महिलामा संक्रमण पुष्टी भएको गण्डकी प्रदेश स्वास्थ्य निर्देशनालय पोखराले जनाएको छ । संक्रमित ब्यत्तिहरु कन्ट्याक ट्रेसिङ मार्फत स्वाब लिएका ब्यत्ति भएको जिल्ला स्वास्थ्य कार्यालय गोरखाले जनाएको छ ।
त्यस्तै गरी बारपाक सुलिकोट गाउँपालिका ५ मा १ जना पुरुष र ७ मा २ जना पुरुषमा संक्रमण देखिएको हो । उनीहरु भारतबाट केही दिन अगाडी मात्र जिल्ला आएका ब्यत्ति हुन ।
उता भीमसेन थापा गाउँपालिका वडा नम्बर ३ का १ जना पुरुष र सिरानचोक गाउँपालिका ६ का १ जना पुरुषमा पनि संक्रमण देखिएको छ । संक्रमण देखिएका मध्ये भीमसेन थापाको भारतबाट आएका ब्यत्ति भएको र सिरानचोकका चितवनबाट आएको ब्यत्ति हुन् ।
