गोरखा – गोरखामा आज थप १८ जनामा कोरोना संक्रमण पुष्टी भएको छ ।
गोरखा र पालुङटार नगरपालिकामा गरी १८ जनामा कोरोना संक्रमण पुष्टी भएको हो ।
गण्डकी प्रदेश स्वास्थ्य निर्देशनाल पोखराले आज (सोमबार) बिहान ५ः५० बजे सूचना जारी गर्दै गोरखा नगरपालिकामा १६ जना र पालुङटार नगरपालिकामा २ गरी जिल्लामा १८ जनामा संक्रमण पुष्टी भएको जनाएको छ ।
संक्रमित हुनेहरुमा गोरखा नगरपालिका ७ मा २८, ८, ३१, ४, ४० र १२ बर्षका महिलाहरु रहेका छन् भने सोही वडामा ३८, ९, ४५, १७, २८ र २४ बर्षका पुरुषहरु पनि संक्रमित भएका छन् ।
त्यस गरी गोरखा नगरपालिकाकै वडा नम्बर ८ मा ५६, ३० र २४ बर्षका पुरुष र २८ बर्षकी १ जना महिलामा पनि कोरोना संक्रमण देखिएको पुष्टी गरेको छ ।
उता पालुङटार नगरपालिकाको वडा नम्बर १ मा २७ बर्षका पुरुष र ६५ बर्षकी १ महिलामा कोरोना संक्रमण देखिएको छ ।
संक्रमित सबै कन्ट्याक ट्रेसिङ मार्फत स्वाब संकलन गरिएकाहरुमा संक्रमण देखिएको निर्देशनालयले जनाएको छ ।
