काठमाण्डौं – नोबल कोरोना भाइरस (कोभिड–१९)बाट आज ९८० जनामा संक्रमण पुष्टि भएको छ ।
देशको विभिन्न प्रयोगशालामा गरिएको स्वाब परिक्षणका क्रममा थप ९८० जनामा संक्रमण पुष्टी भएको हो । यो सहित अब नेपालमा संक्रमितहरुको संख्या ४६ हजार २५७ पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले देशभरबाट संकलित १० हजार ३८२ नमुना परीक्षण गर्दा २९० महिला र ६९० पुरुषमा संक्रमण पुष्टि भएको हो ।
उपत्यकामा थप ३५४ जनामा संक्रमण
उपत्यकामा पछिल्लो २४ घण्टामा ३५४ जनामा कोरोना संक्रमण पुष्टि भएको छ । काठमाण्डौंमा २९० जना, ललितपुर र भक्तपुरमा ३२÷३२ जनामा संक्तमण पुष्टि भएको पत्रकार सम्मेलनमा जानकरी गराईएको थियो ।
संक्रमणबाट थप ९ जनाको मृत्यु
कोरोना संक्रमणले २४ घण्टामा नेपालमा ९ जनाको मृत्यु गएको छ। योसँगै नेपालमा कोरोनाले मृत्यु हुनेको संख्या २८९ पुगेको छ।
