गोरखा – गोरखा अस्पतालको इर्मजेन्सी वाडमा एक बृद्वाको मृत्यु संगै वाड सिल गरिएको छ ।
गोरखा नगरपालिका ७ की ७५ बर्षिया बृद्वाको मृत्यु भए पछि आज साँझ देखी सिल गरिएको हो ।
गोरखा अस्पतालले एक सूचना जारी गर्दै ‘गोरखा नगरपालिका ७ निवासी ७५ बर्षिया महिला अचेत अवस्थामा गोरखा अस्पतालको इर्मजेन्सीमा आउनुभएकोमा उपचारका क्रममा मृत्यु भएको र निजको कन्ट्याक ट्रेसिङको क्रममा लिइएको नमुनाको पिसिआर रिपोर्ट नआएको कारण रिपोर्ट नआउदा सम्मको लागि इर्मजेन्सी सेवा बन्द गरिएको छ’ भनिएको छ ।
मृत्यु हुने महिलालाई केही दिन अगाडी मात्र चितवनमा उपचार गरेर घर ल्याईएको थियो । उनीमा मस्तिक घात भएको गोरखा अस्पतालले जनाएको छ ।
चितवनबाट फर्किए लगत्तै उनको परिवारमा गरिएको पिसिआर परिक्षणमा २ छोरा र १ बुहारीलाई हिजो (शुक्रबार) मात्रै कोरोना संक्रमण देखिएको थियो । सोही आधारमा उनमा पनि कोरोना संक्रमण हुन सक्ने भन्दै अस्पतालले रिपोर्ट नआउदा सम्म इर्मजेन्सी सेवा बन्द गराएको हो ।
बन्दका कारण सेवाग्राहीमा पर्न जाने असुविधा प्रति अस्पताल परिवार क्षमा मागेको छ । यदी अत्यावश्यक सेवा चाहिएको खण्डमा ०६४–४२०२०८, ९८५६०४०२२५ वा ९८४६०२९३३५ मा सम्र्पक गर्न समेत अस्पताल प्रशासनले अनुरोध गरेको छ ।
