गोरखा – गोरखामा आज पछिल्लो पटक कोरोना देखिएका ६ जना गोरखा नगरपालिकाको ३ वटा वडाको भएको खुलेको छ । जस मध्ये १ जना होटल क्वारिन्टीनमा बस्ने युवा समेत रहेका छन् ।
संक्रमण पुष्टी भएकाहरु मध्ये गोरखा नगरपालिका ६ तिनधारे क्षेत्रकी १ महिला र ४ बर्षिया बालिका, ७ धारापानी क्षेत्रका २ पुरुष र १ महिला र ७ का १ जना पुरुष भएको गोरखा नगरपालिका स्वास्थ्य शाखाले जनाएको छ ।
संक्रमित मध्ये गोरखा नगरपालिका ६ तिनधारे क्षेत्रका यस अघि संक्रमण भएका पुरुषका परिवार भएको पुष्टी भएको छ ।
वडा नम्बर ७ का २ पुरुष र १ महिला पनि एकै घर परिवारका सदस्य भएको पुष्टी भएको छ । उनीहरु केही दिन अघी मात्र चितवनमा आमाको उपचार गराएर फर्किएका थिए ।
त्यस्तै गरी गोरखा नगरपालिका ८ का १ जना पुरुष पनि चितवनबाट आएको पुष्टी भएको छ । अध्ययनका सिलसिलामा चितवन बसेका ति युवा केही दिन अगाडी मात्र घरमा आएर सबेको अवस्थामा समुदाय स्तरबाट नै बिरोध भए पछि गोरखा बजारमा रहेको होटलमा बस्दै आएका थिए ।
बसैलाई गोरखा क्याम्पसमा रहेको आइसोलेसनमा लाने तयारी भई रहेको छ ।