काठमाण्डौं – नोबल कोरोना भाइरस (कोभिड–१९)बाट आज नेपालमा थप १ हजार २२८ जनामा संक्रमण पुष्टि भएको छ ।
देशका विभिन्न प्रयोगशालामा गरिएको परीक्षणमा बिहिबार थप १ हजार २२८ जनामा कोरोना संक्रमण पुष्टि भएको हो । योसँगै अब नेपालमा संक्रमितको संख्या ४२ हजार ८७७ पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले देश भरबाट संकलित १३ हजार ४१३ नमुना परीक्षण गर्दा ३९४ महिला र ८३४ पुरुषमा संक्रमण पुष्टि भएको जानकारी गराए ।
उपत्यकामा ४४५ जनामा संक्रमण
यस्तै काठमाण्डौं उपत्यकामा पछिल्ले २४ घण्टामा ४४५ कोरोना संक्रमण पुष्टी भएको छ । जसमध्ये काठमाण्डौंमा ३५७ जना, भक्तपुरमा ४२ जना र ललितपुरमा ४६ जना संक्रमित थपिएका छन् ।
संक्रमणबाट थप ६ जनाको मृत्यु
त्यसैगरी नेपालमा पछिल्लो २४ घण्टामा कोरोना संक्रमणबाट थप ६ जनाको मृत्यु भएको छ । यो सँगै नेपालमा कोरोनाबाट मृत्यु हुनेको संख्या २५७ पुगेको मन्त्रालयले जनाएको छ ।