पोखरा – गण्डकी प्रदेशको ४ जिल्लामा आज थप ३५ जनामा कोरोना संक्रमण पुष्टी भएको छ ।
क्षयरोग उपचार केन्द्र पोखरा, भरतपुर अस्पताल चितवन र राष्ट्रिय जनस्वास्थ्य प्रयोगशाला टेकु काठमाण्डौंमा गरिएको स्बाव परिक्षणका क्रममा बुधबार थप ३५ जनामा संक्रमण पुष्टी भएको हो ।
संक्रमण भएका मध्ये कास्कीका २३ जना, नवलपुरमा ७ जना, लमजुङमा ४ जना र तनहुँमा १ जना संक्रमित रहेको गण्डकी प्रदेश स्वास्थ्य निर्देशनायले जनाएको छ । निर्देशनायले बुधबार बिहान ९ः३० बजे सूचना जारी गर्दै तनहुँको शुक्ला गण्डकी नगरपालिकामा १ जना महिला, कास्कीको पोखरा महानगरपालिका १७ मा ७ जना पुरुष, २० मा १३ जना पुरुष, १३ मा १ जना पुरुष र १४ मा २ जना महिला संक्रमित देखिएको हो ।
त्यस्तै गरी लमजुङको सुन्दरबजार नगरपालिका ९ मा ४८ बर्षिय १ जना पुरुष र २ जना महिला र २ मा १ जना पुरुषलाई संक्रमण देखिएको छ ।
यता नवलपुरको बिनय त्रिवेणी नगरपालिका ४ मा २÷२ पुरुष र महिला, ३ मा १ जना महिला, गैडाकोट नगरपालिका ९ मा १ जना महिला र देबचुली नगरपालिका १६ मा १ जना पुरुषमा कोरोना संक्रमण देखिएको हो ।
संक्रमण देखिएका मध्ये तनहुँको पोखराको अमरसिंह चोकमा रहेको पार्कल्याण्ड अस्पतालमा कार्यरत स्टाफनर्स हुन भने कास्कीको पोखरा महानगरपालिका १७ मा देखिएको २० जना सबै नेपाल प्रहरीका हुन ।
लमजुङको सुन्दरबजार २ मा ओमानबाट आएका पुरुष हुने भने सुन्दरबजार ९ का किराना पसल सञ्चालक हुन । अन्य सबै ब्यक्ति कन्ट्राक ट्रेसिङका क्रममा पोजेटिभ देखिएका मानिस भएको निर्देशनालयले जारी गरेको सूचनामा भनिएको छ ।
