काठमाण्डौं – राजधानी काठमाण्डौं महानगरपालिकाका मेयर विद्या सुन्दर शाक्यलाई पनि कोरोना संक्रमण भएको छ ।
शाक्यका श्रीमतीलाई ज्वरो आएपछि उपचार गराउन धापासीस्थित ग्राण्डी अस्पताल गएका थिए । सो क्रममा मेयर शाक्यले आफ्नो र श्रीमतीको पीसीआर परीक्षण गराएका थिए ।
शाक्यको स्वाब शनिवार संकलन गरिएको थियो । ज्वरो र रुघा लागेर उपचारका लागि अस्पताल पुगेकी शाक्यकी श्रीमतीको रिपोर्ट भने नेगेटिभ आएको छ ।
मेयर शाक्य काठमाण्डौंको २१ लगनस्थित आफ्नै घरमा होम आइसोलेशनमा बसेका छन् ।
