काठमाण्डौं – राजधानीको बालाजुमा रहेको जनमैत्री अस्पताल आजै देखी कोभिड अस्पतालको रुपमा सञ्चालनमा आएको छ ।
सरकारले जनमैत्री अस्पताललाई कोभिड अस्पतालका रुपमा सञ्चालन गर्ने निर्णय गरे संगै आजैदेखि १०० बेड क्षमतामा अस्पताल सञ्चालनमा आएको हो ।
काठमाडौं महानगरपालिकाका १६ का वडाध्यक्ष मुकुन्द रिजालको पहलमा स्वास्थ्य मन्त्रालयले जनमैत्रीलाई कोभिड अस्पतालको रुपमा सञ्चालन गर्ने निर्णय गरेको हो ।
वडाध्यक्ष रिजालले कोभिड अस्पतालको जनशक्तिको रुपमा आएका डाक्टर र नर्सहरुलाई पुष्पगुच्छा दिएर स्वागत गरेका थिए ।
२०७२ सालको भूकम्प पछि अस्पताल बन्द अवस्थामा रहेको थियो । विश्वप्यापी महामारीको रुपमा फैलिएको कोरोनाका कारण काठमाडौं उपत्यकाका पनि प्रभावित भएर संक्रमितले उपचार पाउन नसकेको भनिएको बेला उत्त अस्पताल खुलाउन पहल थालिएको थियो ।
सोहीअनुसार वडाले साउन २९ गते अस्पताल व्यवस्थापनसहित स्वास्थ्य मन्त्रालयलाई अस्पताल खुवाउन आग्रह गर्दै पत्राचार गरेको थियो ।
अस्पताल सञ्चालको लागि आवश्यक सम्पूर्ण खर्च स्वास्थ्य मन्त्रालयले व्यहोर्ने गरि कोभिड अस्पताल सञ्चालनमा ल्याइएको हो ।