गोरखा – गोरखामा सोमबार थप १ जनामा कोरोना संक्रमण पुष्टी भएको छ ।
गोरखा नगरपालिका १२ का ४६ बर्षिय पुरुषमा कोरोना संक्रमण पुष्टी भएको हो । यो सहित जिल्ला स्वास्थ्य कार्यालय गोरखाले स्वाब संकलन गरी पठाएको संक्रमितको संख्या १३४ पुगेको छ ।
गण्डकी प्रदेशको पोखराको प्रयोगशालामा गरिएको स्वाब परिक्षणमा उत्त पुरुषमा कोरोना संक्रमण पुष्टी भएको जिल्ला स्वास्थ्य कार्यालय गोरखाका सूचना अधिकारी राजुरमण न्यौपानले जानकारी दिए ।
कार्यालयका अनुसार बाहिरी जिल्लामा स्वाब दिएर कोरोना प्रमाणित भएका अन्य १० जना पनि जिल्लाकै आइसोलेसनमा रहेका छन् ।
केही दिन अगाडी चितवनबाट फर्किएर होम क्वारिन्टीनमा बस्दै आएका उत्त पुरुषमा संक्रमण देखिए संगै उनको सम्र्पकमा रहेकाहरुको कन्ट्रयाक ट्रेसिङको काम थालनी गरिएको गोरखा नगरपालिका स्वास्थ्य शाखाले जनाएको छ ।
बिरामी भएर भरतपुर अस्पतालमा जचाएर फर्किएका उनलाई भाद्र १२ गते नगरपालिकाको स्वास्थ्य शाखाले स्वाब लिएको र आज उनलाई संक्रमण पुष्टी भएको स्वास्थ्य शाखाका प्रमुख ईश्वर रेग्मीले बताए ।
संक्रमित पुरुषलाई गोरखा क्याम्पसमा रहेको आइसोलेसनमा ल्याउने तयारी भई रहेको छ ।
