गोरखा – गोरखा नगरपालिकाको ५ वटा वडा आज देखी सिल गरिएको छ ।
गोरखा नगरपालिकाको १०, ११, १२, १३ र १४ नम्बर वडाहरुमा केही यता देखी कोरोना संक्रमण देखिन थालेको भन्दै सिल गरिएको हो ।
गोरखा नगरपालिकाले हिजो (आइतबार) राती एक सूचना जारी गर्दै ‘..१४ गते साँझ प्राप्त रिर्पोट अनुसार १२ जना ब्यत्तिहरुको रिर्पोट पोजेटिभ प्राप्त भएकोले थप कन्ट्रायक ट्रेसिङ र स्क्रिीनिङ गरी स्थितीलाइ सामान्य अवस्थामा ल्याउन अर्को सूचना नभए सम्म गोरखा नगरपालिकाको कार्यालय र सम्पूर्ण वडा कार्यालयहरु बन्द रहने’ भनेको छ ।
गोरखा नगरपालिकाको वडाबासीहरुमा अनुरोध भन्दै जारी गरिएको सूचनामा ‘नगरपालिकाको वडा नं. १०, ११, १२, १३ र १४ का सम्पूण क्षेत्र मिति २०७७/०५/१५ गतेदेखी सिल गरिने हुँदा अत्यावश्यक सेवा बाहेक अन्य सबै सेवा, ब्यापार लगायतका सम्पूर्ण कार्यहरु नगर्नु नगराउनु हुन’ भनिएको छ ।
यो संगै गोरखा नगरपालिकाको मजुवा देउराली, अबुवाँ, स्याली, कुन्दुरटार, छेवेटार सहित बिरेनचोक क्षेत्रका सबै प्रकारको ब्यापार ब्यवसाय बन्द हुने छ ।
नगरपालिकाले आफ्ना नगरबासीलाई नआत्तिन, नडराउन र धैर्यताका साथ घरमा बसिदिन आग्रह गरेको छ । यदी घरबाहिर निस्कनै परे मास्क प्रयोग गर्न पनि भनेको छ । यसै बिच बाँकी वडाहरुमा ब्यापार ब्यवसाय, कार्यालयको सेवा, सामाग्री ढुवानी लगायतका कार्यहरु गर्दा प्रयाप्त सुरक्षा मापदण्डका साथै सामाजिक दुरी कायम गरेर मात्र सेवा दिन भनेको छ ।
