गोरखा – गोरखा सदरमुकामको रानीबन क्षेत्रमा १ जना पुरुषमा संक्रमण पुष्टी भएको छ ।
गोरखा नगरपालिका ८ रानीबन क्षेत्रका ३४ बर्षिय पुरुषमा कोरोना पुष्टी भएको हो । यो सहित गोरखामा कोरोना पुष्टी हुनेको संख्या १३१ पुगेको छ ।
जिल्ला स्वास्थ्य कार्यालय गोरखाका सूचना अधिकारी राजुरमण न्यौपानेले दिएका जानकारी अनुसार भारतबाट आएको उत्त पुरुषको स्वाब उपत्यकाको राष्ट्रिय जन स्वास्थ्य प्रयोगशाला पिसिआर परिक्षण गर्दा आज कोरोना संक्रमण देखिएको हो ।
भारतबाट भाद्र २ गते घर आएर होम क्वारिन्टीनमा बस्दै आएका उनको ९ गते स्वाब संकलन १० गते उपत्यका पठाईएको थियो । उनको आज (आइतबार) संक्रमण पुष्टी भएको हो ।
जिल्ला स्वास्थ्य कार्यालय गोरखाले दिएको जानकारी अनुसार जिल्ला भित्रै लिईएको स्वाबबाट संक्रमण भएको संख्या भने १२२ हो । तर जिल्ला भन्दा बाहिरबाट पनि गोरर्खालीहरुको स्वाब लिएको र संक्रमितको संख्या १३१ हो । जिल्लाभन्दा बाहिरबाट लिएको स्वाबबाट अहिले सम्म ९ जना संक्रमित देखिएका छन् ।
यस बिचमा संक्रमितहरुको जिल्ला भित्र ज्यान जानेको संख्या १ जना रहेको छ भने जिल्ला भन्दा बाहिर २ जनाको ज्यान गई सकेको छ ।
संक्रमित मध्ये अहिले गोरखा क्याम्पसका रहेको आइसोलेमा ५ जना संक्रमित रहेको पनि कार्यालयले जनाएको छ ।