काठमाण्डौं – छिमेकी मुलुक भारतमा कोरोना संक्रमणले भयाबह रुप लिँदै गएको छ । केही दिनयता भारतमा संक्रमणले नयाँ रेकर्ड कायम गर्दै गएको छ ।
पछिल्लो २४ घन्टामा भारतमा ७६ हजार ८२६ जना नयाँ संक्रमित थपिएका छन् । यो एकै दिनमा थपिएको संक्रमितको संख्या अहिलेसम्मकै सबैभन्दा उच्च हो ।
कोरोना संक्रमणबाट एकै दिन भारतमा १ हजार ६५ जनाको ज्यान गएको छ । हालसम्म भारतमा कूल ३३ लाख ८४ हजार ५०० भन्दा बढीमा कोरोना संक्रमण पुष्टि भैसकेको छ । ६१ हजार ६९४ जनाको ज्यान गइसकेको छ ।
त्यस्तै २५ लाख ८३ हजार भन्दा बढी निको भएका छन् । भारतमा केही दिन यता ७० हजारको हाराहारीमा संक्रमित थपिँदै गएका छन् । दैनिक १ हजारको ज्यान जान थालेको छ ।
कोरोना संक्रमणवाट हालसम्म अमेरिका १ लाख ८४ हजार ७९६, ब्राजिलमा १ लाख १८ हजार ७२६ र मेक्सिकोमा ६२ हजार ५९४ को ज्यान गइसकेको छ ।
