काठमाण्डौं – नोबल कोरोना भाइरस (कोभिड–१९)बाट नेपालमा बिहिबार थप १ हजार १११ जनामा संक्रमण पुष्टी भएको छ ।
देशको विभिन्न प्रयोगशालामा गरिएको परिक्षणमा थप १ हजार १११ जनामा संक्रमण पुष्टी भएको हो । यो सहित नेपालमा संक्रमितको संख्या ३५ हजार ५२९ जना पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले पछिल्लो २४ घण्टामा देशभरको विभिन्न प्रयोगशालामा १२ हजार ६२९ जनाको पिसिआर नमुना परीक्षण गर्दा ३३४ महिला र ७७७ पुरुषमा संक्रमण पुष्टि भएको जानकारी दिए ।
उपत्यकामा मात्रै ३७७ जना संक्रमित थपिए
काठमाडौं उपत्यकामा मात्रै आज ३७७ जना संक्रमित थपिएको छ । त्यस मध्ये काठमाण्डौंमा २७० जना, भक्तपुरमा ४१ जना र ललितपुरमा ६६ जना रहेको पत्रकार सम्मेलनमा जानकारी गराईएको थियो ।
संक्रमण भएका ९ को ज्यान गयो
नेपालमा कोरोना संक्रमणबाट आज थप ८ जनाको ज्यान गएको छ । योसँगै नेपालमा कोरोनाबाट ज्यान गुमाउनेको संख्या १८३ पुगेको मन्त्रालयले बताएको छ ।
ज्यान गुमाउनेमा पर्सामा ३ जना र बुटवल र ललितपुरमा २÷२, बाँके र पोखरामा १÷१ जनाको ज्यान गुमाएको छन् ।
