काठमाण्डौं – नोबल कोरोना भाइरस (काभिड–१९)बाट बुधबार थप ८८५ जनामा संक्रमण पुष्टि भएको छ ।
देशका विभिन्न प्रयोगशालामा गरिएको परीक्षणमा थप ८८५ जनामा कोरोना संक्रमण पुष्टि भएको हो । यो सहित नेपालमा संक्रमितहरुको संख्या ३४ हजार ४१८ जना पुगेको छ ।
स्वास्थ्य तथा जनसंख्या मन्त्रालयले गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमका अनुसार पछिल्लो २४ घण्टामा देशभरबाट संकलित १३ हजार २५३ जनाको पीसीआर परीक्षण गर्दा ८८५ जनामा कोरोना पुष्टि भएको हो ।
उपत्यकामा ३०१ जनामा संक्रमण
पछिल्लो २४ घण्टामा काठमाण्डौं उपत्यकामा ३०१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्राल यका अनुसार काठमाडौंमा २३० जना, ललितपुरमा ४७ जना र भक्तपुरमा २४ जनामा संक्रमण पुष्टि भएको छ ।
थप ११ जनाले ज्यान गुमाए
मन्त्रालयका प्रवक्ता डा.गौतमका अनुसार पछिल्लो २४ घण्टामा थप ११ जनाले संक्रमणका कारण ज्यान गुमाएको छन् । ज्यान गुमाउनेमा २ जना महिला र ९ पुरुषको छन् ।
बुधबार ज्यान गुमाउनेमा मोरङकी ४६ र भक्तपुरकी ५३ वर्षीया महिला, कैलालीका ४५ र ५० वर्षीय २ पुरुष, महोत्तरीका ६०, ७२ र ७५ वर्षीय ३ पुरुष, बाराका ४१ र ४६ वर्षीय २ पुरुष, बाँकेका ३७ बर्षिय १ पुरुष र काठमाण्डौंका ५१ वर्षीय १ पुरुष रहेको छन् ।
यो सँगै कोरोनाले नेपालमा ज्यान गुमाउनेको संख्या १७५ पुगेको छ ।