गोरखा – गोरखाको २ जना ब्यवसायीलाइ कोरोना संक्रमण पुष्टी भएको छ ।
संक्रमित दुवै ब्यवसायी गोरखा नगरपालिका १३ रामशाह टोल निवासी भएको पुष्टी भएको हो ।
गोरखा नगरपालिका १३ देउराली स्थित रामशाह टोलका ३९ र ४३ बर्षका पुरुषमा कोरोना संक्रमण देखिएको वडाध्यक्ष हरि खनालले जानकारी दिए । संक्रमित मध्ये ३९ बर्षका पुरुष दराई गाउँका भएको र अर्का ब्यक्ति ४३ बर्षका ब्यक्ति रामशाह टोलका भएका वडाध्यक्षले बताए ।
ट्राभल्स हिष्ट्री नै नभएका ति दुई पुरुषलाई संक्रमण देखिए पछि त्यहाँका स्थानिय त्रसित बनेका छन् । दुवै संक्रमितहरु बिरामी भएर चितवनमा उपचारका क्रममा रहदा कोरोना पुष्टी भएको पाइएको हो ।
संक्रमित एक जना बिदेशबाट फर्किएका ङाईभिङ पेशामा आबद्ध रहदै आएका छन् भने अर्का पुरुष होटल व्यवसायी हुन् । उनीहरुमध्ये १ जना भाद्र ५ गते र अर्का एकलाई भाद्र ७ गते बिरामी भएपछि उपचारका लागि चितवन लगिएको थियो ।
दुवै व्यक्तिको सम्र्पकमा आएकाहरुको कन्ट्रयाक्ट ट्रेसिङको काम आजै गर्ने तयारी भइरहेको जिल्ला स्वास्थ्य कार्यालय गोरखाले जानकारी दिएको छ ।