काठमाण्डौं – नोबल कोरोना भाइरस (कोभिड–१९)बाट नेपालमा आज थप जनामा संक्रमण पुष्टी भएको छ ।
देशको विभिन्न प्रयोगशालामा गरिएको पिसिआर परिक्षणमा जनामा कोरोना संक्रमण पुष्टी भएको हो । यो सहित नेपालमा कोरोना संक्रमितको संख्या ३२ हजार ६७८ पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले देश भरबाट संकलित १० हजार २३४ जनाको पिसिआर परिक्षण गर्दा ६७८ जनामा कोरोना संक्रमण पुष्टी भएको जानकारी दिए ।
उपत्यका मात्रै २२४ जना संक्रमित थपियो
पत्रकार सम्मेलनमा प्रबत्ता डा.गौतमले उपत्यकामा मात्रै पछिल्लो २४ घण्टामा २२४ जना संक्रमित थपिएको जानकारी दिए । जस अनुसार काठमाण्डौंमा १७७ जना, ललितपुरमा ३३ जना र भक्तपुरमा १४ जनामा संक्रमण पुष्टि भएको हो ।
संक्रमणका कारण थप ८ जनाको ज्यान गयो
गएको २४ घण्टामा थप ८ जनाको ज्यान गएको छ। यो सहित नेपालमा कोरोना संक्रमणका कारण ज्यान गुमाउने संख्या १५७ पुगेको छ।
मन्त्रालयका अनुसार आज सम्म १३ हजार ७२५ जना सक्रिय बिरामी छन् उपचाररत रहेका छन् । संस्थागत आइसोलेसनमा ९ हजार १५४ जनाको उपचार भइरहेको छ भने क्वारिन्टीनमा ११ हजार २७५ जना रहेका छन् । यस्तै होम आइसोलेसनमा ४ हजार ५६१ जना छन् ।
२४ घण्टामा १७५ जना कोरोना जितेर डिस्चार्ज भएका छन्। योसँगै कुल डिस्चार्ज हुनेको संख्या १८ हजार ८०६ पुगेको छ। मन्त्रालयका अनुसार नेपालमा कोरोनाबाट १५७ जनाको मृत्यु भइसकेको छ।