काठमाण्डौं – नोबल कोरोना भाइरस (कोभिड–१९)बाट आज सम्म नेपाल प्रहरीका १ हजार १४२ जनामा संक्रमण देखिएको छ ।
प्रहरी प्रधान कार्यालय नक्सालले उपलब्ध गराएको विवरण अनुसार आज (सोमबार) विहानसम्म देशभर १ हजार १४२ जना प्रहरीमा संक्रमण पुष्टि भएको हो ।
संक्रमित हुने मध्ये हाल सम्म प्रधान कार्यालयकै प्रहरीबढी देखिएको छ । प्रधान कार्यालय नक्सालमा कार्यरत २०१ जना प्रहरीमा संक्रमण देखिएको छ ।
प्रधान कार्यालयका अनुसार उपत्यकामा कार्यरत ७९ जना प्रहरीमा पनि संक्रमण भेटिएको छ ।
प्रहरीको तथ्यांक अनुसार
प्रदेश १ मा १५६ जना
प्रदेश २ मा १२६ जना
बागमती प्रदेशमा ५० जना
गण्डकी प्रदेशमा २८ जना
प्रदेश ५ मा ७९ जना
कर्णली प्रदेशमा १६ जना
सुदुरपश्चिम प्रदेशमा १२ जना
संक्रमण पुष्टि भएकामध्ये ७४४ जना प्रहरी देशका विभिन्न अस्पताल र आइसोलेसन सेन्टरमा उपचार गराइरहेका छन् भने ३९८ जना प्रहरी निको भएर काम फर्किसकेका छन् ।
