चितवन – चितवनमा सोमबार थप १२ जनामा कोरोना संक्रमण पुष्टि भएको छ ।
भरतपुर अस्पताल कोभिड–१९ प्रयोगशालामा आइतबार राति गरिएको परीक्षणमा भरतपुर महानगरपालिकाका ५ बर्षिया बालिका समेत १२ जनामा कोरोना संक्रमण पुष्टि भएको हो । यो सहित चितवनमा संक्रमितहरुको संख्या ३६४ पुगेको छ ।
संक्रमण पुष्टी भएकाहरुमा भरतपुर महानगरपालिकाको वडा नम्बर ७, ९, १०, ११ र १२ का ५ जना पुरुष र ७ जना महिलामा संक्रमण पुष्टि भएको हो । संक्रमित मध्ये केही भरतपुर महानगरको क्वारेन्टाइन र केही पुरानो मेडिकल कलेजका रहेका छन् ।
चितवनमा संक्रमित मध्ये धेरैजसो महानगरका भित्रका रहेका छन् ।