काठमाण्डौं – नोबल कोरोना भाइरस (कोभिड–१९)बाट नेपालमा आज थप ६३४ जनामा संक्रमण पुष्टि भएको छ । यो संगै नेपालमा कोरोना संक्रमितको संख्या ३१ हजार ११७ पुगेको छ ।
देशका विभिन्न प्रयोगशालामा गरिएको पिसिआर परीक्षणमा सनिबार थप ६३४ जनामा कोरोना संक्रमण पुष्टि भएको हो ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतामले देशभरबाट संकलित १२ हजार ५१९ जनाको स्वाब परीक्षण गर्दा ६३४ जनामा कोरोना पुष्टि भएको जानकारी दिएको छ ।
संक्रमणबाट ९ जनाको ज्यान गयो
पत्रकार सम्मेलनमा पछिल्लो २४ घण्टामा नेपालमा थप ९ जनाको ज्यान गएको छ । योसँगै नेपालमा कोरोना संक्रमणबाट ज्यान गमाउनेको संख्या १४६ पुगेको छ ।
उपत्यकामा मात्रै २१६ जनामा संक्रमण देखियो
आज उपत्यकामा मात्रै २१६ जनामा कोरोना संक्रमण देखिएको छ । काठमाण्डौंमा १६० जना, ललितपुरमा ६ जना र भक्तपुरमा ५० जना गरी २१६ जनामा संक्रमण पुष्टि भएको मन्त्रालयका प्रवक्ता डा.गौतमले जानकारी दिए।
