काठमाण्डौं – नोबल कोरोना भाइरस (कोभिड–१९)बाट नेपालमा शुक्रबार थप ८३८ जनामा संक्रमण पुष्टी भएको छ ।
देशको विभिन्न प्रयोगशालामा गरिएको परिक्षणमा थप ८३८ जनामा संक्रमण पुष्टी भएको हो । अब नेपालमा यो सहित कोरोना संक्रमितको संख्या ३० हजार ४८३ जना पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमका अनुसार पछिल्लो २४ घण्टामा १३ हजार ५७९ जनाको पिसिआर परिक्षण गर्दा ८३८ जनामा कोरोना संक्रमण देखिएको हो ।
उपत्यकामा १८२ जनामा कोरोना संक्रमण
आज उपत्यकामा मात्रै १८२ जनामा कोरोना संक्रमण देखिएको छ । जस मध्ये काठमाण्डौंमा १४२ जना, ललितपुरमा २५ जना र भक्तपुरमा १५ जना संक्रमित थपिएका छन् ।
संक्रमणबाट आज मात्रै ११ जनाको ज्यान गयो
यस्तै गएको २४ घण्टामा देश भरमा ११ जनाको ज्यान गएको छ । यो सँगै कोरोनाबाट ज्यान गुमाउनेको सङ्ख्या १३७ पुगेको मन्त्रालयले जनाएको छ ।
