गोरखा – गोरखाको यातायात मजदुर सहित ८० जनाको पिसिआर रिर्पोट नेगेटिभ आएको छ ।
गएको आइतबार ८२ जनाको स्वाब लिएका मध्ये ८० जनाको रिर्पोट नेगेटिभ आएको हो ।
गोरखाको यातायात मजदुरहरुले आफुहरु जोखिमा रहेको भन्दै पिसिआर गरिदिन आग्रह गर्दै जिल्ला प्रशासनमा विज्ञप्ती बुझाए पछि उनीहरुको स्वाब संकलन गरिएको थियो । साउन ३२ गते संकलित ८२ जनाको स्वाब मध्ये ५१ जना मजदुरहरुको नेगेटिभ आएको जिफण्ड गोरखाका अध्यक्ष सुमन श्रेष्ठले बताए ।
गोरखा नगरपालिका स्वास्थ्य शाखाले संकलन गरेको स्वाबमा गोरखा नगरपालिका भित्र रहेको सर्व साधारण, बित्तिय संस्था र सरकारी कर्मचारीहरुको समेत स्वाब संकलन गरिएको स्वास्थ्य शाखाका निश्चल अर्यालले बताए ।
सो अवशरमा गोरखा कारागार, सिद्वीगणेश सहकारी, कृषि बिकास बैंकका कर्मचारीहरुका साथै अन्य सर्व साधारण र विदेशबाट आएर होम क्वारिन्टीनमा बस्नेहरुको समेत स्वाब संकलन गरिएको जिल्ला स्वास्थ्य कार्यालय गोरखाका कोरोना फोकल पर्सन नारायण अर्यालले बताए ।
संकलिक ८२ जनाको स्वाब मध्ये अझै २ जनाको रिर्पोट आउन बाँकी रहेको जिल्ला स्वास्थ्य कार्यालय गोरखाले जनाएको छ ।