काठमाण्डौं – नोबल कोरोना भाइरस (कोभिड–१९)बाट नेपालमा बिहिबार थप ७०७ जनामा संक्रमण पुष्टि भएको छ ।
देशको विभिन्न प्रयोगशालामा गरिएको पिसिआर परिक्षणका क्रममा थप ७०७ जनामा कोरोना संक्रमण पुष्टी भएको हो । योसहित नेपालमा संक्रमितको संख्या २९ हजार ६४५ पुगेको छ ।
स्वास्थ्य मन्त्रालयले बिहीबार आयोजना गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले ११ हजार ८३२ जनाको पिसिआर परीक्षण गर्दा ७०७ जनामा कोरोना संक्रमण पुष्टि भएको जानकारी गराए ।
संक्रमित मध्ये १९२ महिला र ५१४ पुरुष रहेका छन् ।
उपत्यकामा मात्रै २०० जना कोरोना संक्रमित
सोही पत्रकार सम्मेलनमा डा.गौतमले काठमाडौं उपत्यकामा थप २०० जनामा कोरोना संक्रमण पुष्टि भएको जानकारी दिए । बुधबार १५९ जनामा कोरोना संक्रमण पुष्टि भएको थियो ।
संक्रमण भएका मध्ये काठमाडौंमा १७४ जना, भक्तपुरमा ८ जना र ललितपुरमा १८ जनामा कोरोना संक्रमण पुष्टि भएको हो।