काठमाण्डौ – नेपालका निजी अस्पतालहरुले कोरोना संक्रमितको उपचारका लागि २० प्रतिशत बेड नछुट्याए पीसीआर परीक्षणका लागि दिइएको अनुमति खारेज गरिने भएको छ ।
स्वास्थ्य तथा जनसंख्या मन्त्रालयमा आयोजना गरेको नियमित पत्रकार सम्मेलनमा मन्त्रालयका प्रवक्ता डा.जागेश्वर गौतमले मेडिकल कलेजले एक तिहाइ बेड कोरोनाको उपचारका लागि नछुट्याए उनीहरुले गर्ने पीसीआर परीक्षणका सबै अनुमति रद्व गरिने जानकारी गराए ।
मन्त्रालयले कोभिड उपचारका लागि हरेक अस्पतालले २० प्रतिशत बेड र मेडिकल कलेजले एक तिहाइ आइसोलेसन बेड छुट्याउनका लागि केही दिन अगाडी मात्र निर्देशन दिएको थियो ।