काठमाण्डौं – नोबल कोरोना भाइरस (कोभिड–१९)बाट बुधबार नेपालमा थप ६८१ जनामा संक्रमण पुष्टी भएको छ ।
देशको विभिन्न प्रयोगशालामा गरिएको पिसिआर परिक्षणका क्रममा ६८१ जनामा कोरोना संक्रमण पुष्टी भएको हो । यो सहित नेपालमा कोरोना संक्रमितको संख्या २८ हजार ९३८ जना पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले दिएको जानकारी अनुसार पछिल्लो २४ घण्टामा देशको विभिन्न प्रयोगशालमा ११ हजार ५२२ जनाको स्वाब परीक्षण गर्दा ६८१ जनामा संक्रमण देखिएको हो ।
संक्रमण देखिएका मध्ये काठमाडौं उपत्यकामा १५९ जनामा कोरोना संक्रमण पुष्टि भएको छ । काठमाडौंमा १३७ जना, ललितपुरमा १७ जना र भक्तपुरमा ८ जनामा कोरोना संक्रमण पुष्टि भएको हो ।
आज पनि ६ जना ज्यान गयो, ज्यान जानेको संख्या १२० पुग्यो
पछिल्लो २४ घण्टामा कोरोना संक्रमणबाट थप ६ जनाको ज्यान गएको छ ।
काठमाडौं र बर्दियामा १÷१ जना पुरुष र मोरङ, भक्तपुर, चितवन र सुनसरीमा ४ महिला सहित कुल ६ जनाको कोरोनाबाट ज्यान गएको मन्त्रालयले आज पुष्टि गरेको छ।
योसँगै कोरोना संक्रमणबाट नेपालमा ज्यान गुमाउनेको संख्या १२० पुगेको छ ।