काठमाण्डौं – नोबल कोरोना भाइरस (कोभिड–१९)बाट मंगलबार १ हजार १६ जनामा संक्रमण पुष्टि भएको छ ।
देशको विभिन्न प्रयोगशालमा गरिएको पिसिआर परिक्षणका क्रममा १ हजार १६ जनामा संक्रमण पुष्टी भएको हो । यो सहित नेपालमा कोरोना संक्रमितको संख्या २८ हजार २५७ जना पुगेको छ ।
आजको देखिएको कोरोना संक्रमितको संख्या अहिले सम्मकै सर्वाधिक हो । नेपालमा ९ माघ, २०७६ मा पहिलो कोरोना संक्रमण भेटिएको थियो ।
संक्रमित मध्ये आज सम्म ११४ जनाले ज्यान गुमाइ सकेका छन् । आज मात्रै पनि कोरोना कारण थप ७ जनाले ज्यान गुमाएका छन् ।
स्वास्थ्य तथा जन संख्या मन्त्रालयले आज गरेको नियमित पत्रकार सम्मेलनमा पछिल्लो २४ घण्टामा ७ जनाको कोरोना संक्रमणबाट ज्यान गएको पुष्टि गरेको छ । ज्यान गुमाउनेमा काभ्रे, नवलपरासी, मोरङ, धनुषा, बाँके, कास्की र तनहुँका १÷१ जना रहेका छन् ।
कहाँ कति थपिए संक्रमित ?
मन्त्रालयका अनुसार काठमाडौं उपत्यकामा मात्र २०५ जना संक्रमित थपिएका छन् । उनीहरुमध्ये काठमाडौंमा १३८ जना, ललितपुरमा ५० जना र भक्तपुरमा १७ जना छन् ।
पर्सामा १२८ जना, मोरङमा १०८ जना, सर्लाहीमा १०७ जना, धनुषामा ६४ जना, चितवनमा ४९ जना, डोटीमा ४६ जना, बारामा ४२ जना, रौतहटमा ३७ जना, मकवानपुरमा ३० जना, महोत्तरीमा २४ जना, झापा र काभ्रेमा २१÷२१ जना, कपिवलस्तुमा १९ जना, सिराहा र कास्कीमा १६÷१६ जना र रुपन्देहीमा १४ जनामा कोरोना संक्रमण पुष्टि भएको छ ।
बर्दियामा ९ जना, सुनसरीमा ८ जना, बाँकेमा ६ जना, दैलेखमा ५ जना, नवलपुरमा ४ जना, संखुवासभा, सप्तरी, सिन्धुपाल्चोक र बाग्लुङमा ३÷३ जना, उदयपुर, धादिङ, दोलखा, गोरखा, तनहुँ र दार्चुलामा २÷२ जना तथा खोटाङ, ओखलढुंगा, पाँचथर, सिन्धुली, लमजुङ, स्याङ्जा, दाङ, नवलपरासी, रोल्पा, रुकुम पश्चिम, सुर्खेत, कैलाली र कञ्चनपुरमा १÷१ जनामा पनि संक्रमण पुष्टि भएको छ ।