काठमाण्डौं – नोबल कोरोना भाइरस (कोभिड–१९)बाट आइतबार नेपालमा थप ६४१ जनामा संक्रमण भएको पुष्टी भएको छ ।
देशको विभिन्न प्रयोगशालामा गरिएको पिसिआर परिक्षणका क्रममा ६४१ जनामा संक्रमण पुष्टी भएको हो । यो सहित अब नेपालमा संक्रमितको संख्या २६ हजार ६६० जना पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले पछिल्लो २४ घन्टामा १२ हजार २४७ जनाको पीसीआर परीक्षण गर्दा ६४१ जना ब्यक्तिमा संक्रमण पुष्टि भएको जानकारी दिए ।
संक्रमितहरु मध्ये राजधानीमा मात्रै आज १७२ जनामा संक्रमण देखिएको छ । जस मध्ये काठमाडौंमा १२६ जना , ललितपुरमा ३८ जना र भक्तपुरमा ८ जनामा संक्रमण पुष्टि भएको छ । योसँगै उपत्यकामा कोरोना संक्रमितको संख्या १ हजार ९७० पुगेको छ ।
कहाँ कति थपिए संक्रमित ?
मोरङमा १०० जना संक्रमित थपिएका छन् । बारामा ७८ जना, पर्सामा ७४ जना, रुपन्देहीमा ४८ जना, धनुषामा ३७ जना, चितवनमा २७ जना, रौतहटमा १४ जना, सप्तरी र कास्कीमा ११/११ जना, बाँकेमा १० जनामा कोरोना संक्रमण पुष्टि भएको छ ।
नवलपरासी र महोत्तरीका ८/८ जना, कञ्चनपुर र तनहुँमा ५/५ जना, दाङमा ४ जना, कैलाली, बर्दिया र सिराहामा ३/३ जना, सुनसरी, कपिलवस्तु, सर्लाही, नवलपुर र रोल्पामा २/२जना तथा नुवाकोट, सिन्धुली, जुम्ला, रुकुम पश्चिम, इलाम, मकवानपुर, बाग्लुङ, पर्वत, झापा, लमजुङ र ताप्लेजुङमा १/१ जना संक्रमण पुष्टी भएको छ ।