गोरखा – स्वाथ्य संक्रमण बढ्दै जान थालेको भन्दै ७ दिनको लागि निषेध्याज्ञा जारी गरिएको छ ।
कोरोना भाइरस (कोभिड–१९)को रोकथाम, नियन्त्रण तथा ब्यवस्थापनका लागि गठित जिल्ला कमाण्ड पोष्टले ७ दिन निषेधाज्ञा जारी गरेको हो ।
कमाण्ड पोष्टले आज एक सूचना जारी गर्दै ‘जिल्लामा कोभिड–१९ को संक्रमण बढ्दै गईरहेको सन्दर्भमा जनस्वास्थ्यमा गभिंर असर पर्न जाने अवस्थालाई मध्यनजर गरी संक्रमण रोकथाम तथा नियन्त्रणकालागि तत्काल थप सर्तकता अपनाउनका साथै नेपाल सरकारले जारी गरेको स्वास्थ्य सुरक्षा मापदण्डलाई कडाईका साथ पालना गराउने सन्दर्भमा मिति २०७७/५/१ देखी २०७७/५/७ गते राती १२ बजे सम्म’का लागि निषेधाज्ञ जारी गरेको जनाएको छ ।
उत्त अवधीमा सार्वजनिक तथा निजी सवारी साधान सञ्चालनमा पूर्ण रुपमा रोक लगाईएको छ भने खाद्यान्न, औषधी र पट्रोलियम पदार्थ बाहेकका सबै प्रकारका पसलहरु खोल्न रोक लगाउने निर्णय गरेको छ ।
यस्तो अवस्थामा कमजोरीका फाइदा उठाउन सक्ने भन्दै जथाभावी हुने आवत जावत रोक्नकालागि नेपाली सेना, नेपाल प्रहरी र शसत्र प्रहरी परिचालन गर्ने समेत निर्णय गरेको छ ।
