काठमाण्डौँ – नेपालमा कोरोना भाइरस संक्रमणबाट पछिल्लो २४ घण्टामा थप ३ जनाको ज्यान गएको छ ।
देशको विभिन्न जिल्लामा गरि ३ जनाको ज्यान गएको पुष्टी भएको हो । यो सहित नेपालमा कोरोना संक्रमणका कारण ज्यान गुमाउनेको संख्या १०२ पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मलेनमा कपिलवस्तु, पर्सा र धनुषा जिल्लाका १/१ जनाको ज्यान गएको जानकारी गराएको हो ।
पत्रकार सम्मेलनमा कपिलवस्तुको मायादेवी गाउँपालिका ७ का ४० वर्षीय पुरुषको साउन ३१ गते लुम्बिनी प्रादेशिक अस्पताल बुटवलममा ज्यान गएको हो । त्यसैगरी पर्साको विरगञ्ज महानगरपालिका १२ निवासी ६० वर्षीय पुरुषको साउन ३० गते नारायणी अस्थायी कोरोना अस्पतालमा ज्यान गएको हो ।
धनुषाको जनक नन्दनी गाउँपालिका ४ निवासी ५० वर्षीय पुरुषको साउन २९ गते कोरोना संक्रमणका कारण ज्यान गएको मन्त्रालयले जनाएको छ ।
हालसम्म नेपालमा ८० पुरुष र २२ महिलाको ज्यान गई सकेको छ ।