काठमाण्डौं – नेपालमा शुक्रबार थप ५९४ जना कोरोना संक्रमण पुष्टी भएको छ ।
देशको विभिन्न प्रयोगशालामा गरिएको पिसिआर परिक्षणका क्रममा थप ५९४ जनामा कोरोना संक्रमण पुष्टी भएको हो । नेपालमा योसँगै संक्रमित हुनेको संख्या २५ हजार ५५१ पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमका अनुसार ११ हजार ५७५ जनाको पीसीआर परीक्षण गर्दा उत्त संख्याका ब्यक्तिहरुमा कोरोना संक्रमण देखिएको जानकारी दिए ।
थपिएका कोरोना संक्रमित मध्ये काठमाडौं उपत्यका मात्रै ११९ जनामा संक्रमण पुष्टि भएको छ । संक्रमित हुनेमा काठमाडौंमा ८३ जना, ललितपुरमा ३० जना र भक्तपुरमा ६ जना रहेका छन् । उपत्यकामा कोरोनाका कुल संक्रमितको कुल संख्या १ हजार ७०५ पुगेको छ ।
पत्रकार सम्मेलनमा गएको २४ घण्टामा नेपालमा कोरोना संक्रमणका कारण ४ जनाको ज्यान गएको समेत जानकारी गराएको थियो । ज्यान गुमाउनेहरुमा विराटनगरका ३० वर्षीय पुरुष, सिराहका ४० बर्षिय पुरुष, बाराका ५० र ६५ बर्षिय पुरुष रहेका छन् ।
नेपालमा कोरोना संक्रमणकै कारण ज्यान गुमाउनेको संख्या ९९ पुगेको छ ।