गोरखा – जिल्ला प्रशासन कार्यालय र मालपोत कार्यालयको अत्यावश्यकीय सेवाबाहेकका अन्य सेवा भोलीबाट बन्द हुने भएको छ ।
जिल्लाको दुवै कार्यालयमा सेवाग्राहीहरुको भिड बड्न थालेको भन्दै दुवै कार्यायको अत्यावश्यकीय सेवा बाहेक अन्य सेवा बन्द गर्ने निर्णय भएको हो ।
कोरोना भाइरसको रोकथाम, नियन्त्रण र ब्यवस्थापनका लागि गठित जिल्ला स्तरीय कमाण्ड पोष्टको बिहिबारको बैठकले दुवै कार्यालयको अत्यावश्यकीय सेवाबाहेक अन्य सेवा तत्कालको लागि रोक्ने निर्णय गरेको हो । ‘अरु कार्यालयको आवश्यता अनुसार रोक्ने भन्ने निर्णय गर्ने छौ । अहिले यो दुई कार्यालयमा बढी भिड् देखिएकोले तत्कालै रोक्नुपर्ने देखिएकोले निर्णय गरेका हौ’ प्रमुख जिल्ला अधिकारी तिर्थराज भट्टराईले बताए ।
जिल्ला सदरमुकाममा रहेका बैकिंङ कार्यालय तथा अन्य सरकारी कार्यालयमा पनि अनावश्यक भिड देखिएको खण्डमा तत्कालै निर्णय गरेर रोक्न सकिने प्रमुख जिल्ला अधिकारी भट्टराईले जानकारी दिए ।
यो संगै आज बसेको कमाण्ड पोष्टको बैठकले जिल्ला भित्रको सबै धार्मिक स्थलहरुमा नित्य पुजा बाहेकका सबै काम रोक्ने, चाडपर्वहरु स्वास्थ्य मापदण्ड पुरा गरेर मात्र घर भित्र मनाउने, शैक्षिक संस्थाका साथै कुनै पनि प्रकारका गोष्ठी, सेमिनार, तालिम, प्रर्दशन, भेला तथा सिनेमाहल, पार्टी प्यालेस, डान्सबासहरुलाई पूर्ण रुपमा बन्द गराउने निर्णय भएको छ ।
मनोरञ्जन स्थल, सैलुन, जिमखाना, ब्यूटीपार्लर, स्पा तथा स्विमीङ पुल बन्द गराउने, फुटपाथ तथा खुल्ला स्थानमा रहेको ठेलागाडा, साइकल, तरकारी तथा खाद्यान्न वा फलफुल, लत्ताकपडा र कवाडी संकलन तत्कालका लागि बन्द गराउने समेत निर्णय गरेको छ ।
यता बैठक, समिक्षा, गोष्ठी, सेमिनार, छलफल, भेला जस्ता सामूहिक जमघट हुने कार्य समेत तत्कालका लागि बन्द गराउने निर्णय भएको जिल्ला प्रशासन कार्यालय गोरखा जनाएको छ ।
निर्णयको बरर्खिलाप गरेर कुनै पनि कार्य गरेका खण्डमा संक्रमण ऐन २०२० अनुसार कानूनी कारवाही गर्ने समेत कमाण्ड पोष्टले निर्णय गरेको छ ।
के के निर्णय भयो त हेरौं ?
