महोत्तरी – महोतरीमा आज थप ४३ जनामा कोरोना संक्रमण पुष्टि भएको छ ।
जिल्ला स्वास्थ्य कार्यालय महोत्तरीले आज थप ४३ जनामा कोरोना संक्रमण भएको पुष्टी गरेको हो । यो सहिजत जिल्लामा कोरोना संक्रमितको संख्या १ हजार १८ पुगेको छ ।
संक्रमण देखिएका मध्ये मालपोत कार्यालयका २८ जना, जलेश्वर नगरपालिमा ११ जना, महोतरीमा २ जना, लोहारपटि र बलवाका १÷१ जनामा संक्रमण देखिएको छ ।
महोतरीमा अहिले सम्म कोरोनो संक्रमणबाट २ जनाको ज्यान गई सकेको छ । संक्रमित मध्इे ८५० जना सफल उपचार पछि घर फर्किएका छन् ।
महोत्तरीमा उपचारका क्रममा आइतबार राति ज्यान गुमाएका महोत्तरीको मटिहानी नगरपालिकाका ६ का ४६ वर्षीय पुरुषमा पनि कोरोना पुष्टि भएको छ । फोक्सो र मधुमेहका बिरामी उनी आइतबार जनकपुरस्थित रामजानकी अस्पताल भर्ना भएका थिए ।
सोमबार शव गाउँ ल्याएर अन्तिम संस्कार गरिसकेपछि मंगलवार मात्र उनको रिपोर्ट पोजेटिभ आएको थियो । मृतकको अन्तिम संस्कारमा सहभागी र अन्यको स्वाब संकलन गरिएको जिल्ला स्वास्थ्य कार्यालय महोत्तरीले जनाएको छ ।