काठमाण्डौं – नेपालको छिमेकी राष्ट्र भारतमा एकै दिन ६७ हजार भन्दा धेरै मानिसमा एकै पटक कोरोना संक्रमण पुष्टि भएको छ ।
भारत सरकारले पुष्टी गरे अनुसार पछिल्लो २४ घण्टामा भारतमा ६७ हजार ६६ जनामा संक्रमण पुष्टि भएको हो । यो संख्या भारतमा एकै दिन पुष्टि भएको अहिलेसम्मकै धेरै हो ।
यसअघि साउन २४ गते एकैदिनमा ६५ हजार १५६ जनामा संक्रमण पुष्टी भएको थियो । पछिल्ला दुई सातायता भारतमा संक्रणमदरमा बृद्वी भई रहदा भारतले अमेरिका र ब्राजिललाई समेत उछिनी सकेको छ । भारतमा हिजो (बुधबार) मात्रै ९५० जनाको कोरोना संक्रमणका कारण ज्यान गएको थियो ।
भारतमा ज्यान गुमाउनेको संख्या ४७ हजार १०० नाघेको छ । कोरोना संक्रमितको संख्या २३ लाख ९५ हजार ४७१ पुगेको छ । १६ लाख ९५ हजार ८६० जना संक्रमणमुक्त भएका छन् ।