गोरखा – गोरखा सदरमुकाममा रहेको बालमन्दिरलाई तरुण दलले खाद्यान्न सहयोग उपलब्ध गराएको छ ।
गोरखा नगरपालिका ६ मा रहेको बालमन्दिर माविमा आश्रित अनाथ बालबालिकाहरुका लागि तरुणदल गोरखाले खाद्यान्य सहयोग गरेको हो ।
बाल मन्दिरमा आश्रित अनाथ बालबालिकाहरुलाई खाद्यान्य अभाव भएको भन्ने जानकारी पाएकोले अन्तराष्ट्रिय युवा दिवसको अबसर पारेर बिधालयलाई खाद्यान्य सहयोग गरेको तरुण दल गोरखाले जनाएको छ ।
बालमन्दिरमा आश्रित बालबालिकालाई आवास सुबिधा सहित पठनपाठनको व्यवस्था गर्दै आइरहेकोमा नोबल कोरोना भाइरस (कोभिड–१९)का कारण खाद्यान्न समस्या पर्दै आएको बिधालयका प्रअ लुमनाथ लामिछानेले बताए ।
दलले उपलब्ध गराएको खाद्यान्न गोरखा नगरपालिका गोरखाका मेयर राजनराज पन्तले एक कार्यक्रमका बिच बिधालयको प्रअ लामिछानेलाई हस्तारन्तरण गरेका थिए । कार्यक्रममा वडा नं ६का वडा अध्यक्ष नारायणप्रसाद अर्याल, तरुणदलका क्षेत्रीय अध्यक्ष प्रविण वस्नेत, तरुणदल गोरखा नगरपालिकाका अध्यक्ष दीपक थापा लगायतको सहभागिता रहेको तरुण दल गोरखाले जानकारी गराएको छ ।
