काठमाण्डौं – नोबल कोरोना भाइरस (कोभिड–१९)बाट मंगलबार मात्रै ६३८ जनामा संक्रमण पुष्टी भएको छ ।
देशको विभिन्न प्रयोगशालामा गरिएको परिक्षणमा थप ६३८ जनामा कोरोना संक्रमण पुष्टी भएको हो । यो संगै अब नेपालमा कोरोना संक्रमितको संख्या २३ हजार ९४८ जना पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले पछिल्लो २४ घण्टामा १० हजार ४६२ जनाको पिसिआर परिक्षण गर्दा थप ६३८ जनामा कोरोना संक्रमण देखिएको बताए ।
मन्त्रालयले आज गरेको पत्रकार सम्मेलनमा आज सम्म कोरोना संक्रमणका कारण ८३ जनाले ज्यान गुमाएको समेत जानकारी गराईएको थियो । नेपाल भरीको आइसोलेसन कक्षबाट पछिल्लो २४ घण्टामा १७१ जना डिस्चार्ज भएको छ ।
कहाँ कति थपिए संक्रमित थपिए त ?
मन्त्रालयले पत्रकार सम्मेलनमा काठमाडौं उपत्यकामा मात्रै १३४ जना कोरोना संक्रमित थपिएको जानकारी गराएको छ । जस अनुसार काठमाडौंमा ११० जना, ललिपतुरमा १६ जना र भक्तपुुरमा ८ जना गरि १३४जनामा कोरोना संक्रमण पुष्टि भएको छ ।
त्यस्तै गरि पर्सामा ७० जना, मोरङमा ४२ जना, सर्लाहीमा ४१ जना, बारामा ३९ जना, रुपन्देही र सुनसरीमा ३३/३३ जना, धनुषामा २४ जना, रौतहटमा २० जना, कपिलवस्तुमा १८ जना, प्युठानमा १७ जना, उदपयपुरमा १६ जना, सप्तरी र सिराहामा १३/१३ जना, महोत्तरीमा १२ जना, धादिङमा ११ जना, झापामा १० जना र दाङमा ९ जनामा कोरोना संक्रमण पुष्टि भएको छ ।
यता कास्की र सुर्खेतमा ५/५ जना, काभ्रेमा ४ जना, चितवन र नुवाकोटमा ३/३ तथा पर्वत, सल्यान, दैलेख, बाग्लुङ, तनहुँ, नवलपरासी र ओखलढुंगामा २/२ जनामा र रामेछाप, धनकुटा, रुकुम पश्चिम, सिन्धुपाल्चोक, खोटाङ, स्याङ्जा, अछाम, अर्घाखाँची, दोलखा, इलाम, जाजरकोट, कालीकोट, पाँचथर, दार्चुला, बर्दिया, मकवानपुर र गोरखामा १/१ जना संक्रमण पुष्टी भउको मन्त्रालयले जनाएको छ ।
