गोरखा समाचारदाता
गोरखा – गोरखा सदरमुकाममा बिद्यार्थीहरुलाई लक्षित गरी पुराना सामाग्रीहरुको फोटो प्रर्दशनी भएको छ ।
नेपाल सरकार संस्कृत, पर्यटन तथा नागरिक उड्डयन मन्त्रालय पुरातत्व विभाग अन्तरर्गत भक्तपुरमा रहेको राष्ट्रिय कला संग्रालय भित्र रहेको ऐतिहासिक तथा पुरातात्विक सामाग्रीहरुको फोटो प्रर्दशनी भएको हो ।
माघ २२ गते सम्म प्रर्दशनमा रहने उक्त फोटोहरु राष्ट्रिय कला संग्रालयमा गएर हेर्न नसक्नेहरुकालागि लक्षित गरी प्रर्दशन गरीएको राष्ट्रिय कला संग्रालय भक्तपुरकी प्रमुख सरस्वती सिंले बताईन । उनले प्रर्दशनमा राखिएका फोटोहरु ११ औं देखी १९ औं शताब्दी सम्मका रहेको समेत जानकारी दिईन ।
प्रर्दशनीमा ११ औं शताब्दीको धार्मिक ग्रन्थको गाता चित्र देखी १८ औं शताब्दीको तिनबत्ती र १९ औं शताब्दीको चिराग बत्ती र मुस्या समेतको फोटो प्रर्दशनीमा समावेश गरीएको छ । धार्मिक मान्यता अनुसार नेवारी समुदायमा माईती पक्षका कसेको देहबासन भएको अवस्थामा चेलीहरु माईत आउदा मुस्या बालेर आउनुपर्ने धार्मिक मान्यता रही आएको छ ।
प्रर्दशनीको पहिलो दिन बिद्यार्थी र गोरखा संग्रालय आउनेहरु करिब १ हजार मानिसले फोटो प्रर्दशनी अबलोकन गरका थिए ।
प्रर्दशनीका आयोजक संस्था राष्ट्रिय कला संग्रालय भक्तपुरले गोरखा सदरमुकाम वरपर रहेका सबै स्कुलका विद्यार्थीहरुले फोटो अवलोकन गर्न आउने अनुमान गरेको छ । फोटो प्रर्दशनीले भिजिट गोरखालाई पनि सहयोग पुग्ने आशा गरीएको छ ।
