गोरखा समाचारदाता
चितवन – चितवनका प्रहरी उपरीक्षक दानबहादुर मल्ललाई १२ घण्टाभित्र जिल्ला छाडेर सरुवा भएको ठाउँमा जान निर्देशन दिईएको छ । ३ नम्बर प्रदेश प्रहरी कार्यालयले निर्देशन जारी गर्दै मल्लार्य सरुवा भएको स्थानमा जान भनेको हो ।
सरुवा भएको दुई साता सम्म पनि नगएपछि एसपी मल्लाई प्रदेश प्रहरी कार्यालयले निर्देशन दिएको हो । उनको स्थानमा यस अघि नै गंगा पन्तलाई सरूवा गरिएको छ ।
कार्यालयको गोप्य सर्कुलर पत्र मल्लले सामाजिक सञ्जालमा हाले पछि प्रदेश प्रहरी कार्यालयले उनलाई त्यस्तो निर्देशन दिएको हो ।
पत्रमा प्रहरी नायब उपरिक्षकलाई ईन्चार्ज बुझाएर तत्काल त्यसको जानकारी मातहतलाई गराउन उल्लेख गरिएको छ । प्रहरी प्रधान कार्यालयले पुस ४ गते एसपी मल्लसहित २४ एसपीको सरूवा गरेको थियो।
