गोरखा समाचारदाता
गोरखा – उत्तरी गोरखाको गुम्दाका भूकम्प प्रभावित घरधनीहरुलाई प्रमाण पत्र वितरण गरीएको छ । भूकम्पले भत्काएको घर पुनःनिर्माण सम्पन्न भएका घरधनीहरुलाई प्रमाण पत्र प्रदान गरीएको हो ।
जिल्लाको धार्चे गाँउपालिकाको ५ स्थित गुम्दा गाउँका भूकम्प प्रभावितहरुले घर निर्माणको काम सम्पन्न गरी सकेको भन्दै पालिकाले घरधनीहरुलाई सम्पन्नताको प्रमाणपत्र वितरण गर्न सुरु गरिएको छ । पालिकाले अहिले सम्म २०० वटा भन्दा बढी घरधनीलाई सम्पन्नताको प्रमाण पत्र दिई सकेको नेपाल आवास पुनःर्निर्माण परियोजनाका गोरखा जिल्लाका सूचना अधिकारी तारा ढकालले जानकारी दिईन ।
प्रमाण पत्र वितरण कार्यक्रमका बोल्दै धार्चे गाँउपालिकाकी उप प्रमुख फूलमाया गुरुङले पुनःनिर्माणमा विभिन्न कठिनाई भएता पनि निजी आवास निर्माण सम्पन्न गर्ने घरधनी तथा उत्तकार्यमा सहयोग गर्ने सबै लागि सहयोग पुरयाउने सबै प्रति आभार प्रकट गरीन ।
सोही कार्यक्रममा बोल्दै परियोजनाका जिल्ला संयोजक राम सापकोटाले भूकम्प पश्चात पुनःर्निर्माण भएका घर तथा आगामी दिनमा बन्ने संरचना पनि भूकम्प प्रतिरोधी बनाउन आग्रह गरे ।
परियोजनाले धार्चेका वडा नम्बर ५, ६ र ७ मा १ हजार ६६९ वटा भूकम्प प्रभावित घरधनीलाई सामाजिक प्राविधिक सहजिकरण गरिरहेको छ । परियोजनाले भूकम्प प्रतिरोधी घर निर्माण, वैकल्पिक प्रविधि अन्र्तगत तारजाली घर निर्माण , प्रवलीकरण सुधार प्रविधिमा करिब २ सय डकर्मीलाई तालिम समेत प्रदान गरेको छ ।
साथै धार्चेको तीनै वटा वडामा सामुदायिक नाटक लगायत निजी आवास पुनःर्निर्माण सम्बन्धी जनचेतना मूलक कार्यक्रम संचालन गर्दै आएको छ ।
