गोरखा समाचारदाता
गोरखा – गोरखामा यो आर्थिक बर्षको ५ महिनामा २९ जनाले आत्मा हत्या गरेका छन । आत्माहत्या गर्नेमा ११ बर्षका बालक देखी ७५ बर्ष का बृद्वा सम्म रहेको छ ।
त्यसो त जिल्लाका आत्माहत्याको संख्या बर्षेनी बढदै गएको छ । यसको लागि जिल्ला प्रहरी कार्यालय देखी सरोकार वाला निकायहरुले सदरमुकाम देखी ग्रामिण क्षेत्र सम्म सम्म सचेतना मुलक कार्यक्रम भने नगरेका होइन । तर पनि आत्माहत्या गर्नेका संख्यामा कमी आउन सकेको छैन ।
विहीबार मात्रै ११ बर्षिया बालिका र ६४ बर्षिय पुरुषले जिल्लामा आत्माहत्या गरेको जिल्ला प्रहरी कार्यालयले जानकारी दिएको छ । जिल्लाको आरुघाट गाउँपालिका ३ स्यामराङ बस्दै आएकी ११ बर्षिया बालिका मञ्जु सुनारले चिलाउनेको रुखामा झुण्डीएर आत्मा हत्या गरीन भने शहिद लखन गाउँपालिका १ को दिप्लीङका ६४ बर्षिय फौद्व सिं थापाले पनि ठोटनेरीको बुट्यानमा झुण्डीएर आत्माहत्या गरे ।
आमा नभएकी सुनार हजुर आमा संग बस्दै आएकी थिईन । बिहान बैनी घाँस काट्न गएको मौका छोपी घरबाट ५०० मिटर पर रहेको चिलाउनेको रुखमा झुण्डीएर आत्मा हत्या गरीन भने यता थापाको मानसिक अवस्था ठिक नभएकोले उनले पटक पटक आत्माहत्या गर्ने प्रयास गर्दै आएको उनको परिवारले जानकारी दिएको छ ।
प्रहरी ११ बर्षिया बालिका सुनारको घटना स्थलमा जादै गरेकोले थप विवरण आउन बाँकी छ । थापाको भने आजै दिउसो गोरखा अस्पतालमा पोष्टमार्टम पछि शव आफन्तलाई बुझाएको प्रहरीले जानकारी दिएको छ ।
