गोरखा समाचारदाता
गोरखा – गोरखाको भिरकुनामा बाँदर धपाउने क्रममा एक जना युवाको ज्यान गएको छ । उनको बाँदर धपाउने क्रममा भिरबाट लड्दा ज्यान गएको हो ।
जिल्लाको धार्चे गाउँपालिका ७ भिरकुना निवासी २५ बर्षिय बहादुर गुरुङ्गको ज्यान गएको हो । घरबारीमा लगाएको अन्न खान बाँदर आए पछि धपाउने क्रममा लापुभिरबाट खसेको जिल्ला प्रहरी कार्यालय गोरखाले जानकारी दिएको छ ।
मृत्तक गुरुङ्ग ७० मिटर तल रहेको ढुङ्गामा बजारीदा निधार र टाँउकोमा गंभिर चोट लागेको थियो । उनको घटना स्थलमा नै मृत्यु भएको थियो ।