गोरखा समाचारदाता
गोरखा – सुरक्षित निजी आवास पुनःर्निर्माणका जिल्लाको विभिन्न स्थानमा सडक नाटकको प्रर्दशन गरीएको छ ।
भारत सरकारद्धारा सहयोग प्राप्त नेपाल आवास पुनर्निर्माण परियोजनाले जिल्लाका २ नगरपालिका र ६ गाउँपालिकामा सडक नाकट प्रर्दशन गरेको सूचना अधिकारी तारा ढकालले जानकारी दिईन ।
परियोजनाले गोरखा नगरपालिका, पालुङटार नगरपालिकाका साथै सिरानचोक, गण्डकी, धार्चे, आरुघाट, शहिदलखन र अजिरकोट गाँउपालिकामा सचेतना मूलक सडक नाटक प्रर्दशन गरिएको हो ।
स्थानीयलाई नै सहभागी गराएर सुरक्षित निजी आवास पूनःर्निर्माणका लागि सचेत हुनसडक नाटक मार्फत सन्देश दिईएको थियो ।
र्निर्माणसंग सम्बन्धीत सामाजिक तथा प्राविधिक बिषय समेटिने तथा नाटककै माध्यमबाट निजी आवास पुनःर्निर्माण सम्बन्धी जिज्ञासा भए समाधान गर्ने प्रयास गरीएको थियो ।
जनसहभागिताका आधारमा आम नागरिकलाई सुरक्षित तथा भूकम्प प्रतिरोधी आवास निर्माण गर्न सडक नाटकले सहयोग पुग्ने विश्वास परियोजनाले लिएको छ । घर निर्माण संगै किस्ता लिने समय सीमा, भूमीहिनका समस्या समाधानका उपाय र प्रवलीकरण सम्बन्धी सचेतना नाटकमा समेटीएको थियो ।
नाटकमा स्थानीय आमा समूह, रेडियो श्रोता क्लब, युवा समूह लगायतको समुदायको सहभागिता रहेको थियो । २ नगरपालिका र ६ गाउँपालिकाको २२ स्थानमा सडक नाटक प्रर्दशन गरीएको परियोजनाले जानकारी दिएको छ ।
