गोरखा समाचारदाता
गोरखा – गण्डकी प्रदेश प्रहरी प्रमुख प्रहरी नायव महानिरिक्षक बिनोद शर्मा घिमिरेले प्रहरी कार्यालय आम नागरिकहरुको आस्था र भरोसाको केन्द्र रहेको बताए ।
जिल्लाको बारपाक सुलिकोट गाउँपालिका १ बारपाकमा हालै निर्माण सम्पन्न भएको प्रहरी चौकी भवनको उदघाट्न गर्दै महानिरिक्षक घिमिरेले उत्त कुरा बताएका हुन ।
बारपाक प्रहरी चौकी उदघाट्न गर्दै महानिरिक्षक घिमिरेले प्रहरी कार्यालय फगत एक प्रहरी कार्यालय मात्र नभएर आम नागरिकहरुको आस्था र भरोसाको केन्द्र बिन्दु भएको भन्दै नागरिकको अमुल्य विश्वास एवं भरोसालाई जिवितै राख्न प्रहरी संगठनले शुद्विकरण र सदृढीकरण थप परिकृत एवं जनलक्षित प्रहरी सेवा प्रवाह गर्दै आएको बताए ।
उनले समाजमा शान्ति सुरक्षा तथा अमन चयन कायम गर्न सबै निकायको भुमिका समेटने हेतुले समुदाय प्रहरी साझेदारी अवधारणा अनुसार सरोकारवालाहरुलाई एक जुट भएर लाग्न समेत आग्रह गरे ।
नव निर्मित भवनमा ब्यारेक, मेस र थुनुवा कक्षका साथै सुविधा सम्पन्न शौचालय समेत रहेको छ ।
भवन १ करोड ४५ लाख ५२ हजार ९८७ रुपैयाँ २९ पैसामा निर्माण भएको हो । कार्यक्रम बारपाक सुलिकोट गाउँपालिकाका प्रमुख विण्णु भट्टको अध्यक्षतामा सम्पन्न भएको थियो ।
