गोरखा समाचारदाता
गोरखा – नागरिक समाजका अगुवाहरुले राज्यका तिनै तहका सरकार स्वच्छाचारी भएको आरोप लगाएका छन् ।
अनौपचारिक क्षेत्र सेवा केन्द्र इन्सेकले जिल्ला सदरमुकाम गरेको नागरिक समाज र आम संचार जगत बीचको अन्र्तक्रियामा बोल्दै उनीहरुले केन्द्र, प्रदेश र स्थानीय तहहरु आ–आफ्नो ढङ्गले चल्दा विभिन्न खालको बिकृती निम्तिएको उनीहरुको टिप्पणी छ । जसले गर्दा नागरिक समाज र जनप्रतिनिधिको दुरी समेत बढेको उनीहरुले बताएका छन् ।
सडक, विद्युत, खानेपानी जस्ता आधारभुत विकासका काम सुस्त भएको भन्दै उनीहरुले सन्तुष्टी व्यक्त गरेका छन् । मध्यपहाडी सडक, १२ किलो भालुस्वाँरा वारपाक सडक लगायतका जिल्लाका अधिकाशं सडक निर्माणको अबस्था लाजमर्दो भएको भन्दै उनिहरुले चिन्ता जनाए । राष्टिूय गौरवको बुढीगण्डकी आयोजना निर्माणमा ढिलाई भएको प्रति पनि उनीहरुले दुखः व्यक्त गरेका छन् ।
कार्यक्रममा अधिकारकर्मी ऋषि खनालले बिकासका लागि नागरिक समाज तथा सञ्चार जगत वीच सहकार्य विषयक अवधारणा पत्र पेश गरेको थिए । नागरिक सञ्जालका जिल्ला अध्यक्ष यदु अधिकारीको अध्यक्षतामा भएको कार्यक्रममा नागरिक साझा सवाल गोरखाका स्थानेश्वर दुवाडी, एम्नस्टी इन्टरनेलका रमेश अधिकारी, मानव अधिकार तथा शान्ती समाजका सीताराम तिवारी, गैरसकारी संस्था महासघंका सीताराम श्रेष्ठ, पत्रकार महासंघका किशोजंग थापा लगायतले मन्तव्य राखेको इन्सेक जिल्ला प्रतिनिधि हरिराम उप्रेतीले जानकारी दिए ।
