गोरखा समाचारदाता
गोरखा – सिरानचोक गाउँपालिकामा खानेपानी तथा सरसफाई उपभोक्ता महासंघ गठन भएको छ ।
गठित महासंघको अध्यक्षमा दिपक भट्ट निविरोध निर्वाचित भएको छ । भट्टको अध्यक्षतामा ९ सदस्यीय समिति गठन गरिएको छ ।
उपाध्यक्षमा निर्मला ढकाल, सचिव जुमदिन मियाँ, कोषाध्यक्ष मञ्जु सापकोटा र सदस्यहरुमा सुजित गुरुङ, शान्ता गुरुङ, हरि पोखरेल, कमला मरहट्टा र रणबहादुर खनाल चयन भएका छन् ।
खानेपानी तथा सरसफाई उपभोक्ता महासंघ नेपाल जिल्ला शाखा गोरखाले समिति गठन सँगै क्षमता अभिवृद्धी कार्यक्रम पनि गरेको छ । कार्यक्रममा गाउँपालिका अध्यक्ष राजु गुरुङ, उपाध्यक्ष रिता देवकोटा, वडाध्यक्ष सन्तोष गुरुङ, खानेपानी महासंघका जिल्ला अध्यक्ष देवी प्रसाद श्रेष्ठ, केन्द्रिय सदस्य शिव केसी, केशरसिंह बस्नेत लगायतले आफ्नो धारणा राखेका थिए । सोही क्रममा पालिका भित्रका खानेपानी तथा सरसफाई उपभोक्ता समितिका पदाधिकारी र सदस्यहरुलाई प्रशिक्षण दिइएको थियो ।
