गोरखा समाचारदाता
गोरखा – गोरखा नगरपालिकाको किसानलाई आलुको बिउ वितरण गरीएको छ ।
गोरखा नगरपालिकाको कार्यालय वडा नम्बर ११ को कार्यालयले आफ्ना किसानहरुलाई अनुदानमा आलुको बिउ बितरण गरेको हो ।
वडा कार्यालयले आयोजना गरेको एक कार्यक्रममा वडा भित्रका ४८ जना किसानलाई आलुको बिउ वितरण गरेको वडाध्यक्ष रामबहादुर खड्काले बताए । वडाले सबै किसानलाई १० केजीको दरले बिउ वितरण गरेको थियो ।
वडा कार्यालयले चालु आर्थिक बर्षको बजेट बाट बिउ खरीद गरी बितरण गरेको हो । आलु उत्पादनको हिसाबले उत्त क्षेत्रलाई पकेट क्षेत्र समेत मानिन्छ ।
वडा कार्यालले बिउ बितरण देखी व्यवसायिक किसानहरुका लागि तालिम, कृषि औजार बितरण, भकारो तथा गोठ सुधार लगायतका कार्यक्रमहरु लागु गरेको छ ।
